ഐസിസിയുടെ പുതിയ ടി 20 റാങ്കിങ് പുറത്ത്. ബാറ്റര്‍മാരുടെ റാങ്കിംഗില്‍ ഇന്ത്യന്‍ ഓപ്പണര്‍ അഭിഷേക് ശര്‍മ ഒന്നാമത് തുടരുന്നു. രണ്ടാം സ്ഥാനത്തുണ്ടായിരുന്ന തിലക് വര്‍മ നാാലം സ്ഥാനത്തേക്കിറങ്ങി. സൂര്യകുമാര്‍ യാദവ് ഏഴാം സ്ഥാനത്താണ്.
നാല് സ്ഥാനം മെച്ചപ്പെടുത്തിയ ശുഭ്മാന്‍ ഗില്‍ 36-ാം സ്ഥാനത്താണ്. അതേസമയം, മലയാളി താരം സഞ്ജു സാംസണ്‍ വന്‍ തിരിച്ചടി നേരിട്ടു. ആറ് സ്ഥാനങ്ങള്‍ നഷ്ടപ്പെട്ട് 40-ാം സ്ഥാനത്തേക്ക് വീണു. ഏഷ്യാ കപ്പില്‍ ഇതുവരെ ബാറ്റ് ചെയ്യാന്‍ അവസരം ലഭിക്കാതിരുന്നതാണ് സഞ്ജുവിന് തിരിച്ചടിയായത്.
ടീം റാങ്കിംഗില്‍ ഇന്ത്യ തന്നെയാണ് ഒന്നാം സ്ഥാനത്ത് തുടരുന്നു. ഓസ്‌ട്രേലിയ, ഇംഗ്ലണ്ട് എന്നിവര്‍ യഥാക്രമം രണ്ടും മൂന്നും സ്ഥാനങ്ങളില്‍ ഉണ്ട്.
Content Highlights: ICC T20 Rankings; Sanju suffers setback; Gill makes progress